LAOAG CITY – Umaboten iti 33 a tattao ti natay iti mapaspasamak a layos gubuay iti awan sarday a panagtudtudo na ti napigsa iti ciudad ti Kinshasa a kabisera ti Democratic Republic of Congo.
Naamoan a gapu iti panagkalikagom dagiti residente a makapanaw iti lugar ket ikarkarigatan da a languyen ti danom idinto a dagiti dadduma ket agus-usar da ti bangka.
Ti nasao a ciudad ket pagnanaedan ti 17 a milyon a tattao.
Naipagagangay metten ti mapaspasamak a layos iti nasao a rehiyon gapu iti saan a maliklikan a panaglepyas ti danom manipod iti Congo river.
