LAOAG CITY – Inrakurak ti United Nations nga umaboten iti 700 nga indibidual ti natay sipud rimsua ti riribok idiay Goma, ti kadakkelan a ciudad iti eastern Democratic Republic of Congo idi domingo, Enero 26 ita a tawen.
Segun ken ni United Nation spokesman Stéphane Dujarric adda met ti 2,800 a tattao a nasugatan kabayatan ti panangagaw ti M23 rebels a supsuportaran ti Rwanda ti kabisera iti North Kivu province.
Basar iti report, agturongen dagiti rebelde iti Bukavu, ti kabisera ti South Kivu.
Nagballaag ti United Nation a possible a manayunan pay ti bilang dagiti natay no agtultuloy ti mapaspasamak a riribok kadagiti nadakamat a lugar babaen kadagiti rebelde.
