LAOAG CITY – Ad-adda pay nga al-alisto ti panagwaras ti baro a variant ti covid-19 nga omicron iti South Africa kalpasan nga umaboten iti 8,500 nga indibidual dagiti naapektaran iti nasao a sakit.
Inbatad ti World Health Organization (WHO) nga iti agdama ket umaboten iti agarop 24 a pagilyan iti intero a lubong ti naapektaran iti omicron variant.
Maipalagip nga iti South Africa ti kaunaan a nakaduktalan ti omicron variant.
Karaman kadagiti pagilyan a naudi a nakakitaan ti omicron variant ket iti India, Ghana, Saudi Arabia, United Kingdom, Estados Unidos, Germany ken dadduma pay.
Immunan nga inbilang ti WHO ti omicron variant kas “variant of concern”.
