LAOAG CITY – Umaboten iti 4,829 ti bilang dagiti natay iti Venezuela twin quake a napasamak idi Hunio 24.
Adda ti 16,740 nga indibidual ti nairekord a nasugatan idinto nga umabot iti 17,907 ti nagtalinaed nga awan ti pagtaenganda.
Inbatad ni National Assembly chief Jorge Rodriguez a kaadoan kadagiti nasugatan ket nakaruaren iti ospital.
Maipalagip a basar iti United Nations nga adda ti agarup 50 ribu nga indibidual ti nagtalinaed a mapukpukaw kalpasan ti nagsaruno a napigsa a gingined.
Maipalagip a naruay dagiti biktima ti na-trap wenno naipupok kalpasan a narpuog dagiti pasdek gapu iti kinapigsa ti panagdayyeg ti gingined.
Kabayatanna, agtultuloy ti recovery ken humanitarian operations kadagiti nakaro a naapektaran ti insidente.
