LAOAG CITY – Umaboten ti 3500 a pasdek negosyo ti nakarenew ti business permit na sakbay a madanun ti deadline ti panagirenew.
Segun kenni Mrs. Chona Gantala, mangidadaulo ti BUsiness Permit and Licensing Office (BPLO), possible a ngumato pay ti bilang dagiti mapan agirenew ti business permit na agingga intono Enero 24 a maudi nga aldaw ti panagirenew.
Inbatad na a namnamaenda ti kinaado dagiti mapan intono maudi nga aldaw ti panagirenew kalpasan a naiyalod-od.
Gapu iti daytoy, inbalakad ni Gantala a saanen nga urayen dagiti maseknan ti deadline gapu ta ad-adda laeng a maibaybayag.
Naamoan a ditoy ciudad ti Laoag ket addaanen ti nasurok a 5 ribo a pasdek negosyo.
