LAOAG CITY – Kinumpirmaran ni Fire Senior Inspector Ronald Castillo, ti Fire Marshal ti Bureau of Fire Protection ditoy ciudad ti Laoag a ti napuuran a basura ti namunganayan ti pannakauram met ti ummong dagiti kayo iti Barangay Balatong.
Segun kenni Castillo, adda ti naawat da a tawag itay bigat a mangipakpakammo nga adda ti maur-uram
Gapo iti daytoy, dagus a nagresponde dagiti bombero pakairamanan ti dua a fire truck.
Inlawlawag na nga iti nakadanon da iti lugar ket maur-uram ti stockpile ti kaykayo gapo iti panagpuor ti basura.
Kunana nga immabot laeng met iti agarop dua a minutos sakbay a nasebseban ti apoy.
Naamoan iti imbestigasyon nga itay alas-sais ti bigat ket nagpuor ti basura ni Julita Julian ken kalpasan ti nasurok tallo nga oras ket isu met ti panagkayamkam ti apoy.
Nupay kasta, inpasigurado ni Castillo nga awan met ti nairamraman a sanikua iti nasao nga insidente.
