LAOAG CITY – Inbatad ni Mrs. Cherry Joy Garma, Information Officer ti DepEd Ilocos Norte nga awan met dagiti dadakkel a concerns wenno untoward incidents iti ummuna a lawas ti panaglukat ti School Year 2022-2023.
Segun knni Garma, dagiti gagangay laeng a nakita para iti pannakapadur-as ket ti placing ti isolation, physical and infra pakairamanan ti panagnayun ti classrooms, kasta met ti panangobserbar ti minimum health protocol.
Inlawlawag na a maysa pay a kitkitaen ti division ket no anya ti kapintasan nga scheme tapno saan unay a marigatan dagiti mangisursuro iti class schedule nangruna ken in-person ken modular pay laeng ti masursurot.
Mainaig iti daytoy, inpakammo na a nagpatingga idi kalman, Agosto 30, umabot iti 97 a porsiento wenno 92,411 ti enrolees no ikumpara iti 95,586 enrolees iti napalabas nga school year.
Dinakamat na a maysa kadagiti rason a saan pay a naabot ti target wenno nababbaba ngem iti dati a bilang dagiti nagenroll ket bimmaba ti registrant iti Kinder Garten.
Kunana nga iti biang met ti enrolment, mangnamnam da nga adda ti extension ngem agpapan ita ket awan pay ti guidelines nga inyetnag ti Central office ti DepEd.
