LAOAG CITY – Maipasdek ti kaunaan a pasilidad para iti Down syndrome ditoy Pilipinas iti Bicol Regional Hospital and Medical Center (BRHMC) idiay Legazpi City, Albay, basar iti NORFIL Foundation, Inc.
Gagem ti proyekto iti panangidaulo ti NORFIL Foundation ken pannakibinnuligna iti Bicol Regional Hospital and Medical Center nga ikkaten dagiti makalapped iti healthcare accessibility para kadagiti ubbing nga addaan iti nasao a kondision.
Inbatad ti NORFIL a naiget ti panangikagumaan da Dr. Eric Raymond N. Raborar, medical chief ti Bicol Regional Hospital and Medical Center ken Dr. Mariegella Ciocson, mangidadaulo ti pediatrics department ti ospital iti inisyatiba.
Kabayatanna, apaman a malpas daytoy, agserbi ti Down Syndrome Hub kas espasyo tapno makaawat dagiti ubbing ti specialized care.
