LAOAG CITY – Pinalubusan ti Food and Drug Administration ti umuna a menthol-flavored nga electronic cigarette para kadagiti adult smokers no sadino nabigbig a mabalin a makissayan ti vaping flavor dagiti perwisyo ti tradisional a panagsigarilio.
Inbatad ti Food and Drug Administration a pinalubusanna dagiti uppat a menthol e-cigarettes manipud iti Njoy, ti vaping brand a naala ti tobacco giant nga Altria nga aglaklako met ti Marlboro cigarettes.
Ti desision ket mangipapaay ti baro a kredibilidad iti nabayagen a tagtagikuaen dagiti kompania ti vaping a dagiti produktoda ket makatulong a makakissay iti kinaadu dagiti agsigsigarilio a mababbabalaw iti 480,000 U.S. deaths iti kada tawen gapu iti kanser ken sakit iti puso.
Mailaklako dagiti e-cigarette idiay Estados Unidos sipod idi 2007 ngem kadagiti naglabas a panawen ti potensial a benepisio dagitoy para kadagiti agsigsigarilio ket nagaburan ti panagusar dagiti agtutubo .
Ti Food and Drug Administration ket dimmalan iti self-imposed court deadline iti katapusan ita a bulan tapno lippasen dagiti tawen daytoy a panagsuksukisok kadagiti kangrunaan a brand ti vaping pakairamanan ti Juul ken Vuse.
