LOAAG CITY – Rinugyan ti Democrats ti national convention da babaen ti panagpakadan ni US President Joe Biden a nangisanud ti kandidatura na ken inyendorsar na ni Vice President Kamala Harris.
Iti panagbitla ni Biden idiay Chicago, inbatad na a ti panangpili na ken ni Harris idi 2020 kas runningmate na ket ibilang na kas best decision iti sibubukel a karera na.
Kuna na pay a ni Harris ti agbalin a presidente a tangtangaden dagiti agtutubo ken respetaren dagiti lider iti intero a lubong.
Karaman pay a nagbitla ni dati a First Lady Hllary Clinton no sadinno a mamati nga agbalin a kaunaan a babai a presidente iti Estados Unidos ni Harris.
Maipalagip nga inyendorsar ni Biden ni Harris tapno mangsukat kenkuana kontra kenni dati nga US President Donald Trump kalpasan a nagpanawagan ti partido na gapu iti panagamak da iti salun-at na.
Pinili met ni Harris ni Minnesota Governor Tim Walz kas runningmate na.
