LAOAG CITY – Awan ti nagbalin a problema iti umuna nga aldaw a panagpila ti Certificate of Candidacy (COC) ditoy probinsya.
Inbatad ni Police Lt. Col. Rafael Lero, ti chief of police ditoy ciudad ti Laoag, nga iti oras ti alas-sais itay bigat ket addan dagiti naiwaras a kameng ti pulisya kadagiti comelec offices iti nagduduma nga ili ken ciudad ditoy probinsya.
Mainaig iti daytoy, inbaga met ni Atty. Alipio Castillo III, ti comelec officer ditoy probinsya a 20 agingga iti 25 nga indibidual laeng ti mapalubusan a sumrek iti opisina ti comelec.
Nupay kasta, inbaga na a masapol a dagiti sumrek iti opisina da ket nakasuot ti Face mask, face shield ken naiget a maobserbar ti social distancing.
