LAOAG CITY – Kinondenar ti United Nations Security Council (UNSC) ti inwayat a panangraut ti Israel idiay Qatar.
Iti naiyuswat a taripnong ti United Nations Security Council, nagkaykaysa ti amin a 15 a miembro pakairamanan ti Estados Unidos iti panangiruar ti panangkondenar iti inaramid ti Israel.
Inbatadna a suportado ti grupo ti kinapateg ti maaddaan ti panagsardeng ti panagpinnutok ken papel ti Qatar.
Karaman ti Qatar, Egypt ken Amerika kadagiti mediator tapno naan-anayen nga agsardeng ti rinnupak ti Hamas ken Israel.
Naammoan a ti sumagmamano a kondision iti ceasefire deal ket ti pannakawaya-waya kadagiti hostage ken ti panangikkat kadagiti suldado ti Israel idiay Gaza.
