LAOAG CITY – Porlamen a nairubwat ti kaunaan nga Underwater Museum partikular iti ili ti Currimao.
Indaulwan daytoy da Gov. Matthew Marcos Manotoc, End District Cong. Angelo Marcos Barba ken Mayor Edward Quilala.
Iti nasao a programa, naiyuswat ti naval drill no sadinno naipakaita no kasano ti panagrescue da no adda ti maperdian iti tengnga ti taaw.
Ti mismo Naval Vessel BRP Waray LC-288 ti nangitapog kadagiti 20 nga sculptures iti baybay iti kauneg a 16 a metro.
Dagiti laeng met lisensyado a divers ti mabalin a mangbatok iti nasao nga underwater museum ken masapol nga adda pay laeng ti maputar nga ordinansa para kadagiti pagalagadan ken nasken nga adda ti permit manipud iti Dept. of Environment and Natural Resources.
Mainaig iti daytoy, maragsakan met ni Mayor Quilala gapo ta napili ti ili da a pakaipanan dagiti nasao nga sculptures.
Ti underwater museum ket agserbi nga artificial reef ken ti akin-panunot daytoy ket ni Dr. Joven Cuanang, maysa a neurologist ken art collector.
Ummuna metten nga inbatad ni Ms. Sigrid Mckenzie, maysa nga Environmental policy analyst a napili ti Polacion Bay gapo ta asideg daytoy iti marine sanctuary iti Pangil iti nasao nga ili.
