LAOAG CITY – Inbatad ti mangidadaulo ti United Nations children’s Agency wenno (UNICEF) a ti Sudan ti maysa kadagiti kadaksan a lugar iti lubong para kadagiti ubbing.
Inpalgak ni United Nations children’s Agency head Catherine Russell a ti Sudan ti kaadoan ti naibakwit nga ubbing ken minilyon dagiti sumangsango ti malnutrisyon.
Malaksid iti daytoy, minilyon pay nga ubbing ti saan a makapag-eskwela idiay Sudan gapu iti kinarigat ti sitwasyon ken panagbiag da.
Inlawlawag na a ti food economy idiay Sudan ket naminpinsanen a bimmagsak.
Innayon na a dagiti agkabusor a Sudanese army ken ti paramilitary group a Rapid Support Forces (RSF) ket ipawil da pay ti panagideliber ti kasapulan a tulong.
Inpaganetget ni Russel a masapol nga agtignay dan sakbay a maladaw ti amin.
