LAOAG CITY – Madanagan ti United Nations’ World Food Programme ti pannakaibus dagiti taraon idiay Gaza.
Daytoy ket kalpasan ti pananglapped ti Israel kadagiti humanitarian aide a sumrek idiay Gaza.
Naammoan nga idi Biernes ti naudi a bansada dagiti taraon ti nai-deliver-da iti kusina ti Gaza ken daytoy ket maibusen kadagiti sumarsaruno nga aldaw.
Idi Marso 2 idi rugian ti Israel ti pananglapped kadagiti humanitarian aid no sadinno a sumagmamano a minilyon a taraon ken agas ti saan a nakadanon idiay Gaza.
Maipalagip nga inpetteng ti Israel nga agtultuloy ti panangrautda agingga a saan a waya-wayaan ti Hamas dagiti hostage nga iggemda.
