LAOAG CITY – Nag-resign ni Afzal Khan ti United Kingdom trade envoy iti Turkey kalpasan iti panangkritikar ti panagbisitana iti Turkish Republic ti Northern Cyprus.
Ti nasao a teritorio ket saan pay a binigbig ti gobierno ti United Kingdom kas Turkish troops a sinakup ti Cyprus sipod idi 1974.
Segun ken ni Khan, nagturong daytoy iti nasao a pagilian tapno bisitaen ti kaanakanna gapu ta umawat ti honorary degree manipud iti maysa nga academic institution ken bukud a kuartana ti inusarna a plete.
Inlawlawagna nga adda met ti 20 a British parliamentarians a bimmisita idiay northern Cyprus ngem no apay a saan a nakritikar dagitoy.
Mainaig iti daytoy, naammoan a nagturong ni Khan iti nasao a pagilian kabayatan ti parliamentary recess ken awan ti pakainaiganna iti akemna kas maysa a trade envoy.
Kabayatanna, kinumpirmaran ti pannakangiwat ti gobierno a nagikkaten iti posision ni Khan kas Trade Envoy to the Republic of Türkiye.
