LAOAG CITY – Kinondenar ni United Nation Secretary-General Antonio Guterres ti drone strike dagiti rebelde a Houthi ti Yemen idiay Tel Aviv.
Kinunana a mabalin a kumaro ti nadakamat nga insidente ken mangpataud manen iti riribuk.
Maipalagip a nadungpar ti drone ti maysa a pasdek iti asideg ti embahada ti Estados unidos idiay Tel Aviv, a nakatayan ti maysa a tao ken nakasugatan ti sumagmamano nga indibidual.
Gapu iti napasamak, pinapigsa ti Israel ti aerial border monitoring tapno malapdan a mapasamak manen ti drone attack.
