LAOAG CITY – Immapela ti United Nations iti natalged a panagruar dagiti napupok a sibilyan iti ciudad ti el-Fasher idiay Sudan kalpasan ti panangirakurak ti paramilitary fighters a kontrolado da ti main base ti armada iti nasao a lugar.
Saan met pay a bigbigbigen ti military ti Sudan ti pannakapukaw kadakuada ti lugar gapo ta maibilang daytoy a panagballigi para iti Rapid Support Forces (RSF) iti manarimaan a civil war.
Segun kenni UN chief António Guterres, ti kaudian a rinnupak ket maibilang a “terrible escalation” wenno mangpakaro laeng iti tensyon ken ti panagsagaba dagiti sibilyan.
Ti El-Fasher ket isu ti maudi nga army foothold iti western region ti Darfur, ken nakontrol ti Rapid Support Forces ken iti kaalyado na iti uneg ti 18 a bulan.
