LAOAG CITY – Inakusaran ti United Nations particular iti commission of inquiry ti Israel a mangipatpatungpal ti “concerted policy” tapno dadaelen ti healthcare system iti Gaza kabayatan ti pannakilaban da iti Hamas.
Inpetteng ti komisyon a panagatake ti Israel iti healthcare facilities ti Gaza ken ti saan a nasayaat a panangtrato ti pagilian kadagiti Palestinian detainees ket kaipapanan ti war crimes, kasta met ti crime against humanity of “extermination”.
Uray ti Hamas ken dadduma a Palestinian groups ket maak-akusaran met ti war crimes ken crimes against humanity gapu iti trato da kadagiti Israeli hostages iti Gaza.
Agpapan ita ket saan pay a nagkomento ti Israel seknan iti daytoy a banag ngem addan ti immuna nga akusasyon na iti United Nations a bias ken inbasura da dagiti napalabas a kritikal a reports.
