LAOAG CITY – Nagballaag ti United Nations iti possible a panagkurang ti suplay nga agas kalpasan nga immaboten iti nasurok a 1,600 a tattao dagiti kumpirmado a natay iti idaydayyeg ti napigsa a gingined idiay Myanmar, a nakariknaan pay dagiti kaparanget na a pagilian pakairamanan iti Thailand.
Naamoan nga idiay Bangkok ket adda ti narekobre a maika-12 a bangkay manipod iti narpuug a pasdek idinto nga iti Mandalay, Myanmar ket adda ti maysa a babai a narekobre a sibibiag kalpasan a napupuk manipod kadagiti pasdek iti uneg ti 30 nga oras.
Kabayatanna, inwaragawag ti National Unity Government (NUG) a maisardeng paylaeng iti dua a lawas ti military operations kadagiti lugar nga apektado ti gingined.
