LAOAG CITY – Inbatad ni Atty. Joel Ginez, ti baro a Comelec Supervisor ditoy probinsya nga idi pay laeng disyembre itay napan a tawen da nga agsagsagana mainaig ti 2019 Midterm elections.
Mainaig ti daytoy, inburay ni Ginez dagiti pasamak iti naiyuswat a conference nga inatendaran dagiti amin a municipal comelec officers, PNP ken dadduma pay a maseknan nga ahensya ti gobierno.
Inlawlawag na nga in-activate da ti Provincial Joint Security Control Center ken Municipal Joint Security Control Center.
Inbatad na a ti trabaho ti probinsyal ket ag-assess, agiproseso ken ag-conduct iti aplikasyon dagiti mayat nga agaplikar iti exemption iti gun ban ken security detail.
Inpresentar met ti PNP dagiti lugar ditoy probinsya a possible a maikabil iti areas of concern mainaig pay laeng ti mapaspasangasangan nga eleksyon.
Kabayatanna, inbatad ni Ginez nga awan pay ti ammo na a napilaan ti disqualification kadagiti nagpila ti kandidatura na ditoy probinsya.
