LAOAG CITY – Inpakaammo ni Dr. Josephine Ruedas, Provincial Health Officer ditoy probinsia a saan pay a naiyimplementar ti Universal Health Care iti intero a pagilian.
Segun kenkuana, agpapan ita a gundaway ket awan pay ti naawatda nga impormasion pakaseknan iti Implementing Rules and Regulations wenno IRR.
Mainaig iti daytoy, inbatad ni Ruedas nga baet nga awan pay ti naawatda nga IRR ket naipalaon iti linteg a saanen a kasapulan pay dagiti miembro ti PhilHealth nga agparehistro manen ngem masapol latta a mai-update ti record-da kas ti panangnayon ti dependents ken panangsukat kadagiti madi a datos.
Naammoan a no bilang maipatungpal daytoy ket automatic wenno dagus nga agbalin a miembro dagiti amin a Filipino iti Universal Health Care.
