LAOAG CITY – Kinumpirmaran ni Philippine National Police-Public Information Office (PNP-PIO) Col. Allen Rae Co a 3 ti natay, 3 ti direkta a nasugatan, ken 4 ti nasugatan gapu iti panang-panick.
Kunana nga addan ti kustodia dagiti 2 a suspek no sadinno a dagitoy ket isuda Alyas Rod, agtawen ti 15, ken Alyas Nash nga agtawen met ti 14.
Segun kenkuana, ti inisial a motibo ti pammaltog ket bullying no sadinno a nagderetso latta dagiti suspek nga awan ti aniaman a sao da kabayatan ti panagpaputok da.
Naamoan a ti nausar a paltog ket nakitaan ti marka ti PNP Property kabayatan a ti maysa ket naggapu iti registered security agency idiay Cebu City.
Mainaig iti daytoy, ti maysa a suspek ket kaanakan ti pulis no sadinno a manarimaan pay laeng ti imbestigasion ken maad-adal ti mabalin a maipila a kaso.
Maipalagip a basar ti inisial nga imbestigasion ket 5 laeng ti nadangran iti nasao a pammaltog.
