LAOAG CITY – Personal a binisita ni Cong. Sandro Marcos ti Barangay Gabu Norte ditoy ciudad ti Laoag kalpasan ti pannakadael ti dike gapo iti napigsa nga ayos ti danom iti karayan.
Segun kenni Marcos, nasken a matarimaan daytoy tapno saan a mapukaw ti Gabu ken saan a kakaasi dagiti bmarangay.
Kageddan iti daytoy ket inpakaammo na nga dda ti 50 a milyon a pisos a nailatang para iti panangtarimaan ti Dept. of Public Works and Highways ti dike.
Inbatad na nga umabot iti 288 meters ti matarimaan a flood control iti nasao a barangay.
Kabayatanna, kunana a no saanen nga agtudo ken bumaba ti lebel ti danom ket dagus a marugyan ti pannakatarimaan daytoy.
