LAOAG CITY – Nawayawayaanen dagiti pito a suspek a natiliw gapu iti illegal a panagsusugal iti Barangay Pasiocan iti ili ti Bacarra.
Segun ken ni Police Major Sheryll Guzman, ti Hepe ti Philippine National Police iti nasao nga ili, daytoy ket kalpasan a nagbayad dagitoy ti sangapulo a ribu iti tunggal maysa para iti temporario a pannakawayawayada.
Kunana a dagiti suspek ket agtawen ti 57, 26, 47, dua nga agtawen ti 46 ken tallo nga indibidual nga agtawen ti 39 nga agpapada a residente iti Barangay Pasiocan iti ili ti Bacarra.
Maipalagip a nakumpiskar kadagiti indibidual dagiti nagduduma a gambling paraphernalia kas ti baraha, lamisaan, tugaw pakairamanan ti pusta nga aggatad ti 18,895 a pisos.
Immuna iti daytoy, naarestar dagiti suspek kalpasan a naaktuaran dagiti otoridad nga agay-ayam dagitoy ti Lucky 9 ken rakatak.
