LAOAG CITY – Inbatad ni Fire Officer 2 Jayson Esqueja iti Bureau of Fire Protection iti ili ti Pasuquin a possible a ti biggang manipod iti naglutuan a dalikan ti nangrugyan ti apoy a nagresulta iti pannakauram ti garahe ti maysa a balay iti Barangay Poblacion iti nadakamat nga ili.
Segun ken ni Esqueja, mabalin a naitayab dagiti biggang gapu iti epekto ti Bagyo Kristine a naikabil kadagiti nabunton a papel iti asideg ti dalikan a nangparnuay ti apoy ken alisto a nagkayamkam iti garahe.
Inpakaammo na a gapu iti napasamak nga uram ket umabot iti pito a ribo a pisos ti balor dagiti nadadael a kagamitan ti balay karaman ti maysa nga electric-bike.
Ti napasamak nga uram iti ili ti Pasuquin ti maikadwa nga insidente ditoy probinsya kabayatan ti iduduprak ti bagyo Kristine.
