LAOAG CITY – Nagpinnakawanen dagiti dua nga agka-live in partner kalpasan iti napasamak a pammagkong iti Brgy. Balioeg iti ili ti Banna.
Daytoy ti inpakaammo ni Police Captain Emerito Mamenta, Chief of Police iti Philippine National Police iti nadakamat nga ili.
Kinunana nga apaman a napalubasan a nagawid ti biktima manipod iti Marnio Marcos Memorial Hospital and Medical Center iti cuidad ti Batac ket dagos metla a nagsarita dagiti dua.
Basar ken Mamenta saanen pay a nangipila ti kaso ti biktima kontra iti kalive-in partner na ta dagos metla a nagpinnakawan dagiti dua.
Maipalagip , a nagsagaba ti sugat iti kili-kili, akin-kannigid nga abaga ken barukong ti maysa a lalaki kalpasan a binagkong ti live-in partner na a maysa a menor de edad iti Brgy. Balioeg iti ili ti Banna.
Segun ken ni Police Capt. Emerito Mamenta, ti chief of police iti ili ti Banna, ti biktima ket agtawen ti 25, construction worker idinto a ti suspek a live-in partner na ket agtawen ti 17, agpada dagitoy a residente iti nadakamat a barangay.
Inbatad ni Mamenta a basar iti inwayat da nga imbestigasyon, agpada nga adda iti impluwensya ti nasanger dagiti aglive-in partner idi adda ti saanda a nagkinnaawatan no sadinno a gapu iti nakaro a panagriri da ket adda pay dagiti binubuong da a kagamitan, ken idi naikkan ti gundaway ti suspek ket binagkong na ti live-in partner na.
Kuna ni Mamenta a nagasat ti biktima gapu ta narabaw ken saan a nakaro dagiti sugatna rason a napalubusan metlaeng a nagawid manipod iti Mariano Marcos Memorial Hospital and Medical Center iti ciudad ti Batac kalpasan ti pannakataming na.
Innayon na a naamoan da pay a masansan nga agriri dagiti aglive-in partner.
