LAOAG CITY – Agtultuloy ti imbestigasyon dagiti kameng ti PNP-Badoc iti napasamak a pammaltog a nakasugatan ni Jomar Polandey, agtawen ti 32, construction worker ken residente iti Barangay Alay iti nasao nga ili.
Mangnamnama ni Police Chief Inspector Joseph Tayaban, chief of police ti PNP-Badoc nga adda ti positibo a resulta ti iyus-uswat da nga imbestigasyon.
Inpetteng ni Tayaban nga awan ti pammaneknek iti algeasyon a ni Polandey ket maysa a miembro ti gun for hire gapo ta basar ti rekord da ket awan ti nakairamramanan na nga anyaman a kaso ken saan a drug surrenderer.
Segun kenni Tayaban, ur-urayen da a maimbagan ni Polandey tapno makaala da ti impormasyon gapo ta agpapan maisursurat ti damag ken saan pay a makasao.
Inlawlawag na a basar ti nakalap da nga impormasyon ket dua a lallaki a nakasuot ti polo dagiti maipagarop a suspek ngem saan pay a madeterminar no siasinno dagitoy.
Nagpanawagan daytoy iti publiko kangrunaan na dagiti adda ti ammo na iti krimen a tumulong da tapno iti imbestigasyon.
