LAOAG CITY – Inpasingked ni Rosalie Reyes Eusebio, agtawen ti 34, awanan ti asawa, a saan nga isuna ti napan ngreklamo iti PNP ken ni Barangay Kagawad Randolph Abad iti Barangay 17 P. F Alviar iti ili ti Vintar.
Inbatad na a saan a pulos a napnapan iti kwerpo ti pulisya isut gapuna a nakigtot idi naibaga kenkuana ti barangay kagawad ti maipagarop a papanna panangi-blotter.
Daytoy ket mainaig ti maipagarop a panangsirsirip ken panangtaktakaw ti opisyal dagiti underwear ni Eusebio.
Inpetteng ni Eusebio nga adda laeng ti nangusar ti nagan da ken ni Abad ken mamati nga isuda ti napili dagiti maseknan gapu ta agkarruba da.
Innayon na a nagpainterview iti Bombo Radyo gapu ta kayat na a malawlawagan ti isyu kangrunaan na ket adda ti pamilya ti barangay kagawad.
