LAOAG CITY – Napilaan ti kaso nga attempted homicide babaen ti inquest procedding ni Brgy. Kagawad Jessie Alnas ti Barangay Lanao iti ili ti Bangui.
Daytoy ket kalpasan a ginandat na a tagbaten ti maysa a residente iti Brgy. Tarrag iti ili ti Pagudpud a ni Erwin Yacas a nakautang kenkuana.
Basar iti Philippine National Police iti ili ti Bangui, narekomendaran ti Barangay Kagawad iti 10 ribo a pisos a piyansa na.
Insigidad met a nakabayad ti piyansa ti barangay kagawad rason a pinaluspusanen dagiti otoridad.
Maipalagip a ginandat ti barangay kagawad a tagbaten ni Yacas kalpasan a nagriri dagitoy gapu iti nabayagen nga utang ti naud-udi nga umabot iti 10 ribo a pisos.
