LAOAG CITY – Naipilan ti reklamo a panaglabsing iti PD 1602 kontra kadagiti uppat a natiliw agraman kenni Barangay Kagawad Romel Adriano iti Brgy. 54-A Lagui-Sail ditoy siudad ti Laoag.
Segun kenni Police Lt. Col. Rafael Lero, hepe ti PNP Laoah, agtultuloy a mabirbirok dagiti dua pay a lallaki a nakalibas idi naiyuswat ti operasyon dagiti otoridad.
Nupay kasta, nairaman a napilaan ti reklamo dagiti dua a lallaki babaen iti regular filing.
Inbunannag ni Lero, kalpasan a nakasarita na ni Adriano ket iti korte laengen ti pagpalawagan ti nasao a barangay kagawad.
Nagkedked a nagsarita dagiti maseknan bayat ti panagturong ti Bombo Radyo Laoag iti PNP Laoag.
