LAOAG CITY – Isardeng pay laeng ti City Disaster Risk Reduction and Management Office ken dadduma pay a rescue teams ti panagbirok iti mapukpukaw a menor de edad iti Barangay Calayab ditoy ciudad ti Laoag.
Segun kenni Dr. Melvin Manuel, ti mangidaulo ti City Disaster Risk Reduction and Management Office iti napalabas a pito nga aldaw ket inaramid da amin ti kabaelan da.
Inbatad na a nailawlawag met daytoy iti pamilya kangrunaan na iti nagannak ti nasao a menor de edad.
Iti search and retrieval operations nga inyuswat da ket pakairamanan ti air, water and land ngem negatibo pay laeng ti resulta na.
Maipalagip a nagpakada ti menor de edad a napan nagbisbisikleta kaduana dagiti papagayamna ken idi nakadanonda iti lugar ket napan timmapog ti biktima iti baybay ngem saanen a timmakdang.
