LAOAG CITY – Depresyon ti makitkita a motibo iti panagbekkel ti maysa a lalaki iti matar-tarimaan a cellsite iti Brgy. 12 ditoy siudad ti Laoag.
Binigbig ni PLt. Col. Rafael Lero, ti hepe ti PNP Laoag ti nagbekkel a ni Larry Matulin, agtawen ti 39, vish vendor ken residente iti nasao a barangay.
Kuna ni Lero a naamoanda ti insidente babaen iti maysa nga online seller a nakakita iti biktima a nakabitin iti cellsite.
Naamoan a ni Matulin ket napilaan ti kaso a theft itay kallabes gapu iti panagtakaw na ti pasayan ngem nakapagpiyansa.
Rumrumuar a nadepress gapu iti kumikom na kadagiti inkari na a panagbayad kadagiti nangireklamo kenkuana.
