LAOAG CITY – Nakapagsaritan ti dua a partido iti napasamak a disgrasya iti paset ti Rizal St. ditoy ciudad ti Laoag.
Ti biktima a maysa a babai ket residente iti Barangay Caaoacan ditoy siudad ti Laoag idinto a ti nangiturong ti mini van ket agtawen ti 36, mekaniko ken residente ti Barangay Pila ditoy siudad.
Basar iti Philippine National Police – Traffic Division ditoy ciudad, inkari ti driver ti mini-van iti asawa ti biktima a nasapgud na a tumulong kadagiti magastos na iti ospital.
Iti agdama ket maiyur-uray ti resulta ti x-ray ti biktima gapu ta ang-angalen na a nasakit ti akin-kannawan a sakana ken maiyakar iti Mariano Marcos Memorial Hospital and Medical Center para iti naan-anay a pannakataming.
Maipalagip a bayat ti ibaballasiw ti biktima iti pedestrian lane ken isu met ti panaglikko ti mini-van nga agturong koma iti maysa nga autoshop idi napasamak ti disgrasia.
