LAOAG CITY – Nagbayad ti 10 ribo a pisos ti driver ti tricycle iti nadungpar na a maysa a van iti bypass road iti Barangay Sta. Maria ditoy ciudad ti Laoag.
Malaksid iti daytoy, pinaagasan pay ti driver ti tricycle a ni Constante Topinio Bataliones ti pasahero a nasugatan iti insidente.
Basar iti resulta ti imbestigasyon ti Philippine National Police, naduktalan a ti akinbasol iti napasamak ket ni metlaeng Bataliones gapu ta saanna a kinita nga immuna no adda ti lumasat iti national highway sakbay sumrek iti bangir a kalsada.
Immuna iti daytoy, agpalaud iti Siazon road ti tricycle idinto a ti Van nga inturong ni Jovencio Dugay ket agpa-abagatan idi napasamak ti insidente.
