LAOAG CITY – Inbatad ni Police Captain Chris Anthony Sorsano, chief of police ti PNP-Solsona a naiget ti panagbantay da ti kalsada nga agturong iti Rural Health Unit (RHU).
Daytoy ket kalpasan a kinumpirmaran a mismo ni Mayor Joseph de Lara ditoy Bombo Radyo Laoag nga adda ti nagpositibo ti covid-19 a kailyan na.
Ummunan nga inbatad ni de Lara nga inkabil da iti ospital iti ciudad ti Batac ti pasyente a maysa a masikog ken OFW a naggapo idiay Saudi Arabia.
Segun kenni Sorsano, temporaryo a maparikepen ti RHU iti uneg ti 14 nga aldaw ken pagsasritaan da no anya ti sumaruno nga addang da.
Kuna met ni Barangay Chairman Jose Peralta Sr. iti Barangay Catangraran a residensya ti madakdakamat nga indibidwal nga ita nga aldaw ket adda ti maiyuswat a taripnong da a kakapitan iti nasao nga ili.
Iti met pannakisarita ni Bombo Robert Dela Cruz kenni Mayor De Lara iti telepono, indetalye a mismo ti opisyal no anya ti napasamak manipud iti panangsukon da iti border checkpoint iti ili ti Badoc agingga a naideretso iti quarantine facility iti ili da ken kiniddaw na a mai-hold ti impormasyon.
Kinumpirmaran pay a mismo ti Mayor kenni Bombo Jude Pitpitan nga idi adda idiay Clark Pampanga ti indibidwal ket naalaan ti samples ngem rimwar laeng ti resulta idi kalman no sadinno a positibo daytoy ken addan ditoy probinsya.
Naamoan a ti nasao a masikog nga indibidwal ket nagpasikal isut gapo na nga intaray da iti ospital iti ciudad ti Batac.
Kabayatanna, naamoan pay ti Bombo Radyo nga adda ti feedback kenni de Lara a positibo ti masikog nga OFW ngem ti laeng ur-urayen na ket ti dokumento a mangpaneknek a positibo ti resulta na.
