LAOAG CITY – Maisagsaganan ti reklamo a frustrated murder kontra kadagiti innem nga estudiyante a suspek iti napasamak a pammaltog iti Barangay 7-A ditoy ciudad ti Laoag a nakasugatan ti luppo ni George Guiang.
Daytoy ti kinumpirmaran ni Police Lt. Col. Amador Quicho, ti chief of police ti PNP-Laoag.
Ummunan a nabigbig dagiti dua a suspek ngem agpapan ita ket manarimaan pay laeng ti panagim-imbestgar ti PNP para iti pannakabigbig dagiti uppat pay a sabsabali.
Iti agdama ket manarimaan ti manhunt operation dagiti pannakabagi ti linteg ken patyen da nga adda pay laeng dagiti suspek ditoy probinsiya.
Agpapan maisursurat daytoy a damag ket saan pay a nadeterminar dagiti otoridad no anya a klase a paltog ti nausar ken no nakalisensya daytoy.
Maipalagip a napasamak ti nasao nga insidente bayat nga agat-atras dagiti suspek bulon ti panangbanbanurbur da iti kotse da kabayatan ti ilalabas ti biktima a naka-kurong kurong ken simrek iti maysa a bakante a lote a namunganayan iti diskusyon a nangtunda iti nasao a pammaltog.
First Report – https://www.bomboradyo.com/laoag/lalaki-pinaltogan-ti-menor-de-edad-iti-brgy-7a-ditoy-ciudad-ti-laoag/
