LAOAG CITY – Naipilan ti kaso a theft kontra iti suspek a nagtakaw iti maysa a carinderia iti Brgy. 30-B, Sta. Maria ditoy siudad ti Laoag.
Segun ken ni Mr. Joseph Agullana ti akinkukua iti carinderia a natakawan, kalikagom na nga agsungbat ti suspek iti nagbasolan na gapu ta patien na a no mapatunuynoyan daytoy ket posible a maulit manen.
Iti agdama mannarimaan ti panangmonitor dagiti otoridad iti suspek gapu ta idi napan da kinita iti pagnanaedan na iti ili ti Sarrat ken iti Bahay Pag-asa ket saan da a nadanon daytoy.
Kunana nga itre-trace metten dagiti annak ni Agullana dagiti natakaw a gadgets tapno matunton dagiti nagilakwan ti suspek.
Inpakaammu na nga apaman a maarestar da ti suspek ket amuen da no siasinno dgaiti nagilakoan na kadagiti gadgets a tinakaw na ken adda posibilidad a mairaman isuda iti kaso.
Maipalagip a naitaray ti suspek a ni Kairus James Cruz, ti maysa nga ipad, maysa a selpon, karton ti sigarilio, kuarta nga agbalor ti tallo a ribu a pisos no sadinno nga umabot iti pakabuklan a 30 a ribu a pisos a gatad dagiti natakaw.
