LAOAG CITY – Kinumpirmaran ni Mrs. Quenee Miguel Ramos a pimmusayen ti kabsat na a ni Jerald Miguel, residente iti Barangay Sta. Rosa ditoy ciudad ti Laoag bayat a maag-agasan iti Laoag City General Hospital (LCGH).
Ni Jerald Miguel ket naitaray iti ospital kalpasan a nalmes iti Sun Valley Beach Resort iti Barangay Calayab ditoy ciudad ti Laoag idi kalman.
Nupay kasta, inbatad ni Ramos nga idi oras iti alas-nuebe idi rabii ket inpakaammo kadakuada dagiti dodoctor iti nasao nga ospital a pimmusayen daytoy.
Inbatad ni Ramos a ti nagbalin a duktal dagiti dodoctor ket naatake ti kabsat na.
Immuna ti daytoy, inbatad ni Dr. Melvin Manuel, ti mangidadaulo ti CDRRMO, napan nagovernight ti biktima ken dagiti kakadwa na iti nasao a resort.
Naamoan a kalpasan a nakainom da ti nasanger kadagiti kakadwa na ket napan nagpatpatapaw iti baybay a nangitunda metten ti pannakalmes na.
