LAOAG CITY – Kinumpirmaran ni Police Major Marlon Padamada, ti chief of police iti ili ti Pasuquin a pimmusayen ni Jaylord Mansano a taga Brgy. Carusikis ti nasao nga ili bayat a maag-agasan iti Mariano Marcos Memorial Hospital and Medical Center idiay ciudad ti Batac.
Immunan a naideklara nga unconscious ni Mansano kalpasan a pinaltugan na ti ulo na babaen ti maysa a cal. 22 revolver itay kallabes.
Immuna ti daytoy, naibaga ti biktima a saanda a kaykayat iti balay da isut gapu na a nasaysayaat laengen a matay.
Nupay kasta, inbatad ti ina na a ni Mrs. Myrna Mansano nga awan ti ammo da a rason no apay a naibaga ti anak na a saan da a kaykayat iti balay da gapu ta saanda nga ung-ungtan no di ket bagbagaan da laeng gapu ti kanayun panagin-inom na ti arak.
Kinumpirmaran pay iti Bombo Radyo ni Mrs. Mansano nga adda ti sakit ti puso ti anak na isut gapuna bagbagaan da a saan unay nga agin-inom ti nasanger.
Nupay kast, mamati ni Mrs. Mansano a maysa a rason no apay nga agin-inom ti anak na ket gapu ta saanna pay a nalipatan ti dati a live-in partner na.
Segun ti ina a Mansano, addan makatawen sipud nagsina ti anak na ken ti live-in partner na gapu ti maipagarop a panagtalaw-talaw ti babai ken sumursurot iti saba-sabali a lallaki.
