LAOAG CITY – Naiget a naglikodan ni Constantino Herera Jr dagiti naala kenkuana nga ebidensya kalpasan a natiliw babaen ti naiwayat nga drug buy bust operation iti Brgy 24 San Roque iti ili a Sarrat.
Kuna na awan ti ammo na kadagiti naala nga ebidensya kas iti agdapu ti 10 a sachet a naglaon ti maipagarup a shabu, kalibre 22 a paltog ken sumagmamano a klase ti bala.
Inpetteng ni Herera a manipud nga nagnaed da iti ili a Sarrat ket saan a pulos a nagusar ti maipagarup nga iligal a druga ken awan ti ammo na kadagitoy,
Inbatad na a tubo idiay ili ti Luna, probinsya ti Apayao ken immay da nagnaed iti nasao nga ili.
Segun kenni Herera, bayat a mapan kuma gumatang ti mainom ket kelaat nga tiniliw dagiti kameng ti PNP.
