LAOAG CITY – Nakaipaunan ti 2 Milyon a pisos ti Laoag City General Hospital nga utang da iti Government of Laoag Employees Development Cooperative (GLEDCO).
Kinumpirmaran daytoy ni Mr. Enrico Aurelio, ti Chairman ti GLEDCO.
Kunana a nakautang dagiti empleado ti LCGH ti agarup 3 a million a pisos ken adda pay ti 1 a million a pisos a balanse da.
Nupay kasta, kuna ni Aurelio a mabalinen nga ag-renew dagiti empleado ti loan da ken saanen a madelay ti panagbayad ti ospital iti pautang ti kooperatiba.
Maipalagip nga itay kallabes ket saan a nakai-remit ti nasao ospital iti GLEDCO gapu ta adda iti sabali pay nga inprayoridad da.
Kabayatanna, kinumpirmaran ni Mr. James Bryan Ranada, ti accounting officer iti LCGH a ti 2 a milyon a pisos ket innala da manipod iti subsidy iti Laoag City Hall.
