LAOAG CITY – Inbatad ti suspek a ni Romulo Pascual iti Barangay Talingaan ditoy ciudad ti Laoag nga inwasawas na ti barreta na ti namindua a daras ken ni Orlando Felix kalpasan a kinarit ken nakita na nga asuten ti naud-udi ti buneng na.
Inpetteng na a kanayun a lukluken ken katkatawaan ti biktima ngem saanna nga inkaskaso.
Innayon ni Pascual a gamgamgamen pay ni Felix ti sumagmamano a paset ti daga na.
Malaksid ti daytoy, kuna ni Pascual a namin-adon a daras a tinakaw ti biktima dagiti kalkalyen na a balangkoy.
Kuna pay ni Pascual nga uray agbabawi ket awanen ti maaramidan na ta napatay nan ni Felix.
Inpasingked na a saan a napan naglemmeng no di ket napan na laeng ginaikan dagiti dadduma a mula na a balangkoy ken iti panagawid na ket inbalakad dagiti annak na a mapan sumuko iti PNP.
