LAOAG CITY – Ad-adda pay a paigetan ti Mariano Marcos State University ti security protocols da iti babaen ti Memorandum No. 24-459.
Daytoy ket kalpasan a nabwak dagiti agad-adal, manursuro ken staffs iti bomb threat prank nga inpatulod ti maysa a facebook account nga agnagan ti “Dumper Chlo.”
Karaman kadagiti imonitor ti unibersidad ket ti “No ID, No Entry” policy kadagiti amin nga empleado ken agad-adal ken ti mandatory a panagusar dagiti adda lugan a sumrek ken rumuar iti bisinidad ti Unibersidad iti gate pass.
No met awan ti gate pass dagiti sumrek ket masapul nga ibati da kadagiti university security guard ti driver’s license da nga agserbi kas temporary a Visitor’s Pass-da.
Malaksid iti daytoy ket nakaipauneg pay iti nasao a memorandum ti panangpa-iget ken monitoring kadagiti delivery riders a sumsumrek iti unibersidad no sadinno nga agingga da laeng kadagiti college lobbies.
Maipalagip a basar iti naawat a bomb threat prank message ti unibersidad iti napan a lawas, nakailanad ditoy nga adda ti maipagarup a 11 a naimula a bomba iti aglawlaw iti College of Health Sciences grounds ken posible a bumtak iti eksakto 1:30 ti malem.
