LAOAG CITY – Agtultuloy a maob-obserbaran ti mannalon a binagkong ti maysa a drug surenderer iti Brgy. Cabang-aran iti ili ti Paoay.
Nagtalinaed ti biktima a ni Alfredo Cabuyadao, agtawen ti 33, naasawaan ken residente ti Brgy. 5, Nalasin, iti nasao nga ili iti Mariano Marcos Memorial Hospital and Medical Center iti siudad ti Batac.
Porsigido ti pamilya ti biktima nga ireklamo ti suspek a ni
Christian Dumlao, agtawen ti 29, naasawaan, ken residente iti Brgy. 21, Pambaran iti nasao nga ili.
Maisagsaganan ti maipila a maiyannatop a reklamo kontra ti nasao a suspek.
