LAOAG CITY – Nabigbigen no siasinno ti nabirukan a bangkay iti kabakiran a paset ti Sitio Manayun, Barangay 23, San Andres, Sarrat, Ilocos Norte.
Segun kenni Police Major Roldan Suitos, hepe ti PNP-Sarrat, ti biktima ke agnagan ti Armando Ferrer y Alejandro, agtawen ti 63, awanan ti asawa ken residente iti Barangay 27 ditoy ciudad ti Laoag.
Inlawlawag ni Suitos nga awan ti nakita da a foul play wenno senyales nga adda ti napasamak a krimen iti nakabirukan ti bangkay.
Basar ti impormasyon manipud iti PNP, mahilig nga agpagna-pagna ti biktima ken mabalin a gapo iti panagkapsot na ti maysa kadagiti rason ti pannakatay na.
Saan met a makumpirmaran ti PNP no adda ti deperensya ti panagpanpanunut ti biktima ngem posible nga agkabaw.
Inbatad met ti karruba ti biktima a daytoy ket rumwar iti balay da ken mapan agdawat ti sigarilyo ken no awan ti maala na ket itultuloy na ti magna agingga nga adda ti madawat na.
Rumrumwar nga umaboten ti lima agingga iti innem nga aldaw a natayen ti biktima sakbay a nabirukan ken agruprupsan daytoy.
