LAOAG CITY – Inbatad ni Mr. Henrick Pedronan iti Municipal Disaster Risk Reduction and Management Office (CDRRMO) iti ili ti Pagudpud a nawaknitanen ti kalsada a nagaburan ti daga iti napasamak a landslides iti ili ti Sta. Praxedes iti probinsya ti Cagayan.
Segun ken ni Pedronan, nagtinnulong ti DPWH-Cagayan ken Ilocos Norte tapno mawaknitan dagiti nasao a kalsada.
Inbatad na nga inpabulod pay iti ili ti Dumalneg dagiti equipments da para iti nasao nga operasyon.
Nupay nawaknitanen dagiti kalsada, kuna ni Pedronan a saan da pay laeng nga ipalubos nga adda dagiti agdalyasat a lugan gapu ta agtultuloy pay laeng ti panaggedday ti daga.
Innayon na nga adda pay ti naperdi a kalsada a narigat a dalyasaten dagiti behikulo iti paset ti Sta. Praxedes, Cagayan.
