LAOAG CITY – Kalikagom ti National Irrigation Administration (NIA) nga urnosen dagiti quarry operation a maisaysayangkat iti asideg ti pump intake iti ili ti San Nicolas.
Daytoy ket kalpasan nga immunan nga adda dimmanon iti opisina da a reklamo seknan iti problema dagiti sumagmamano a mannalon iti Bongga Pump 2 iti ili ti San Nicolas a marigatan nga umuli ti danom kadagiti mulada gapu ta nauneg unayen ti pagaramidan da ti pilot chanel.
Segun ken ni Engr. Rommel Batuac ti mangidadaulo ti National Irrigation Administration, napagsasaritaanen a saan a mabalin a garawen ti quary operator nga immanugotan met dagiti quarry operators gapu ta makita da met ti rigat ti Irrigator’s Association.
Kunana a ti Bongga Pump 2 ket supsuplayan na ti 490 hectares a kataltalonan ket no saan a matalunan daytoy dakkel a pukaw kadagiti mannalon.
