LAOAG CITY – Inbilin ni Provincial Director Police Col. Cesar Pasiwen ti pannakaiyuswat ti naun-uneg nga imbestigasyon mainaig ti pannakapaltog a poon ti nakatayan ni Police Corporal Wilbert Rarogal Jr. iti Barangay Santiago, Marcos, Ilocos Norte.
Daytoy ti inbatad ni Police Lt. Col. Angelito de Juan, ti Chief investigator iti Ilocos Norte Police Provincial Office (INPPO).
Ni Rarogal ket nakabase iti Police Provincial Office idiay probinsya ti Cordillera.
Inbatad ni de Juan nga agpapan ita ket agtultuloy pay laeng iti naiget nga imbestigasyon para iti pakabigbigan ti gunman nga inlubbon ni Barangay Chairman Jimmy Pablo iti Barangay Cacafean iti ili ti Marcos.
Maipalagip a nagkedked ni Pablo a nanginagan ti gunman isut gapuna a nairaman daytoy a napilaan ti kaso a murder, uppat a counts iti attempted murder ken panaglabsing iti Election Omnibus Code.
Nagtalinaed met iti kustodyar ti PNP-Marcos ni Pablo ken agtultuloy ti panangan-anop dagiti otoridad ti gunman.
Kabayatanna, inpasingked ni de Juan nga awan ti pakainaigan ti eleksyon ti napasamak a krimen.
