LAOAG CITY – Kinondenar ni Police Chief Master Sergeant Eric Bumagat, ti mangidadaulo ti Philippine National Police – Traffic Division ditoy ciudad ti Laoag ti nangipost ti video seknan iti panangimando ti trapiko ti maysa a traffic enforcer iti Rizal St. partikular iti sangwanan ti kapitolyo probinsyal.
Segun kenni Bumagat, iti nasao a video ket saan pay a sinango ti traffic enforcer ti naka-motorsiklo nga isu ti senyales a mabalinen a tumaray dagiti behikulo.
Inlawlawag na a sakbay a maisalang dagiti traffic enforcers ket dimmalan dagitoy iti training.
Mainaig iti daytoy, kuna ni Bumagas a tingitingen kuma nga ummuna ti nangi-post iti video sakbay na nga i-upload tapno saan a kakaasi dagiti traffic enforcers nga ar-aramiden da met ti trabaho da
Kabayatanna, binalakadan na a no adda man ti problema kadagiti traffic enforcers ket idanon da laeng iti opisina na.
